Holzscheitln - Mundartgedichte aus der Oberpfalz

Gsundheit Zeckerlfett und kugelrund d Hauptsach is, mia sam ma gsund. Da Blutdruck jogt oan d Wärm ins Gsicht, an großn Zeha plogt de Gicht. Wiar a Ochs schnaufft ma beim Geha, a Tröpferl bleibt unda da Nosn steha. As Cholesterin vertrogt se net mit oan, Hüftn, de is a scho erneiert worn. Kniascheibn schnackln bei jedn Schritt und d Bumpn de duat aa net mit. Trotzdem ißt ma wos oan schmeckt bis des nächste Trum varreckt wenn a Infarkt as Hirn afweckt, und da Teifl dia Zung aussatreckt